Молитва Сийским святым

О всехвальнии преподобнии и богоноснии отцы наши Антоние, Феодосие / и вси постницы, исповедницы, преподобномученицы во обители Сийстей подвизавшиися, / и сию многими светозарными ангелоравнаго вашего жития звездами украсившии, / мимотекущее житие сие яко сон вменили есте. / Воздержанием, прилежными молитвами, пощением, бдением и чистотою сосуди пречистии Святаго Духа явилися есте: / и святых чудес дар неизреченный от Бога прияли есте./ К вам прибегаем,/ вам молимся и мили ся деем: / не забудите нас, / ко святым мощем вашим притекающих,/ будите молитвенницы об обители нашей. / Мы же яко смиреннии и немощнии суще,/ ничтоже возможем творити без вашего заступления, / просим предстательства вашего на мори и на суше, / в бедах — утешения, / в несчастии — покровительства, / во обидах — заступления и во всех приключающихся злых — радости и упования, / темже не яко раби неключими, но яко сынове ваши пребудем и молитвами вашими сподобимся зрети Свет неприступныя Славы Божия во Царствии Невечернем в нескончаемые веки. Аминь.

Составлена на основе молитвы 1831 г. Новгородским святым, в число которых входит большинство Сийских святых.